Maasewal kaajo´ob: k líisik túumben kuxtalo´ob

Publicado por eunice en

U Yich Lu’um, AC.
Spread the love
Actividades del Centro Interdisciplinario de Investigación
y Desarrollo Alternativo, U Yich Lu’um, AC.
Oscar Chan Dzul, Albert Chan Dzul y Sara Oliveros López
Centro Interdisciplinario de Investigación
y Desarrollo Alternativo, U Yich Lu’um, AC.
uyichluum@gmail.com

Júump´el kuuchilo´on maaya kaaj, u k´áabae´ Sanahcat, tu peetenil Yúucatan, lu´umil Méexico, k k´áabae ich káastlan “Centro Interdisciplinario de Investigación y Desarrollo Alternativo, U Yich Lu´um A.C.”. To´on much´baal yo´olal ma´alobkinsik kuxtal yéetel éet láak´tsilo´ob, utia´al utskintik le ba´aloob k´aas k lu´umil. 

Yo´olal tulakal ku yúuchul yóok´ol kab áala k meyajtik k kaajale´ kamp´éel tuukulo´ob: Yáaxe le Pak´alo´, tu´ux beetik kool, soolar yéetel tumben meyajo´ob je´bix jóoyab wa kinsal íik´elo´ob yo´olal kaxtik janal;  ka´a tuukule´ Lu´umil kuxtal, waye´ba´ateltik kuxtal, kanantik le k´áaxo yo´olal ma´ a túubsa´a le úuchben maaya k ch´íibal, bix u biskuba´ao yéetel tuláakal yóok´ol kab; Óxp´éel tuukul u Pajtaliil máako´ob yéetel ko´olel tu´ux meyajtik yéetel uláak´tsilo´ob je´bix Red de Mujeres Mayas Péepeno’ob, Coalición Pro Municipio, Red de Gobierno Abierto de Yucatán, Red TICCA México yéetel Red global TICCA; tu ts´óokole meyajtik Kaambal kaajo´ob, téela múuk´ankunsik tumben  tuukulo´ob ti´ le mejen paalalo´ob, taankelen paalalo´ob, beyxan yéetel láak´ kaajilo´on.

Yéetel k muul múuk´ k´áat ma´alobkinsik bix u biskubaa kaajal yéetel le nohjalachilo´ob, yo´olal kaxtik ma´alob meyajo´ob utia´al líisik muulan kuxtal. 

Kex k´ajóol le noj t´aano´ob ku yéesikto´on u pajtaliil way lu´umil beyxan to náachilob, to´on máasewal kaajal ilik bix le pajtalilo´ob ku p´áasta´a wa ku ba´ateta´a, wa ma´tu ch´áabal k tuukul. Ti´ k kaajal beyxan tu lu´umil Méexico k ila´a to´on maasewalo´on chen utia´al yéeytambal  wa chen utia´al k´amik ba´aalo´ob ti noj jalachilo´ob utia´al ma´ k t´aan, lelo´ob ku betik kíinsaj k ch´íibal. Le óolal to´on maasewal kaajale´p´atikbaa ti´ le maako´ob yantio´ob muuk´yéetel taak´in. 

Beey tu K´íinil Maasewal Kaajo´ob, beey to´on maaya´on, chíin poltik áalik, k´abet k´áasik ti´ le nukuch maako´ob ti´ le noj jalachilo´ob, wayano´ne´le maasewal kaajo´ob, kuxano´on, áalikte´ex táan u k´ajolta´al k tuukul, k meyaj yo´olal ma´ u jéelpajal kuxtal yóok´ol kab, ka´ a wojete´ex to´one kanantik tulakal k lu´umil, k´abeto´on yo´olal ma´ u ka´ taal uláak´ yaayaj k´oja´anil je´bix le ku máan te k´íinoba´.

Wa k júunale´ ma´tu beytal le ba´ax k´abet meyajtik, le´olal chíin poltik muuch´ taambal yéetel uláak´tsilo´ob je´bix REDGADY, yo´olal ch´íik kuchilo´ob utia´al u muuk´ankunsa´a k pajtaliil ka´ach úuche ma´tu ts´áabato´on.

Yéetel le tumben tuukul ti´ kaajo’ob ku k´abatik ich káastlan´”Gobierno Abierto”, táan k ilik le noj t´áano´ob yo´olal u ye´esal bix u meyajo´ob yéetel bix u xu´upul le taak´in kaajo´ob, bix u meyajo´ob le éet tsilo´ob yéetel le tumben núukulo´ob ka jéets´ek tu jaajil je´bix áala tu ju´unil “ka´patchajak u k´uchul tulakal ba´ax ku yuuchul k lu´umil, ka´ts´a´abak ojeltbil ti´ le maasewal kaajo´ob tulakal ti´ k k´áatnúuk jéejelas taak´in ku xu´upko´ob le noj jalachilo´ob”.

Trabajo comunitario de U Yich Lu’um, AC.

Áalik le kuuchil noj jalachilo´ob ka jeets´ek u meyajo´ob ichil le kaajo´ob, ka ch´áabak u tuukul, u t´aan tulakal kaaj. Je´ u beytal wa k muul meyaj, wa ku chíimpoltaj ch´íibal maasewal kaajo’ob.  

Chíimpoltik muul meyajo´ob, chíimpoltik le ku taalo´ob paachil, ti´ le mejen paalalo´ob yo´olal jéel meyajtik muul kuxtal, yo´olal ma´ k íila´al to naachilo´ob yéetel ka´anal.   

¡Míix un téen yóok´ol kab wa minano´on!

Imagen de U Yich Lu’um, AC.
Categorías: Opinión

0 comentarios

Deja una respuesta

Tu dirección de correo electrónico no será publicada. Los campos obligatorios están marcados con *